АҚШ-тың салығына Қытай тойтарыс береді

Баршаға аян Америка Құрама Штаттары әкімшілігі Қытайдан импортталған 34 миллиард доллар құнындағы 800-ден астам өнімге 25 пайыз қосымша салық салу шарасын ресми түрде бастаған еді.

Қытай Америка Құрама Штаттарының қосымша салық шарасына тойтарыс беретінін білдірді.

Қытай сауда министрлігінің мәлімдемешісі Гау Фынг АҚШ әкімшілігінің 34 миллиард доллар құнындағы Қытай технология өнімдеріне қосымша салық қойғанына байланысты «Қытай әсте алғашқы оқты атқан тарап болмайды, Алайда Қытай да қол қусырып қарап отырмайды. Қытай да өз елі мен халқының мүддесін қорғауға мәжбүр» деген сөздер қолданды.