Балаларға арналған аяқ киімді таңдауда ескерілетін мәселелер

Аяқ киім бұл нәрестенің ортопедиялық дамуын қолдайтын және дұрыс таңдауға тиісті киім өнімі болып табылады. Денесі тез өзгеріп, дамып келе жатқан сәбидің жүре бастауымен бірге оның қадамын жерге мықтап ұстайтын аяқ киім қажет болады. Аяқ киімге асығу немесе асықпау туралы шешім қабылдау негізінде маусымдық және сыртқы факторларға байланысты өзгереді. Алғашқы қадамдар жазғы кезеңге сәйкес келген жағдайда, біраз уақыт жалаң аяқ және шұлықпен уақыт өткізу орынды болуы мүмкін. 

Егер қысқы мезгілге сәйкес келетін болса, аяқты қолайсыз ауа-райынан қорғаған жөн. Бұл кезде сатып алынған аяқ киімді үнемі пайдаланудың қажеті жоқ. Аяқ киімді сыртқа шығатын кезде және қоршаған орта факторларынан қорғауды қажет еткенде пайдалану ұсынылады. 

Балалардың аяқ киімдері қалай болуы керек? 

1.    Дұрыс өлшем болуы керек: 

Өлшемді дұрыс таңдап алу үшін аяқ киімді ересектердегі сияқты түстен кейін аяқ су жинаған кезде сатып алу керек. 

Мұны ұмытпау керек, балалардың аяқтары жыл сайын екі өлшемге дейін өседі. Осы себепті үш ай сайын сатып алған аяқ киімнің кішкентай емес екенін және оның аяқтың дамуы үшін жеткілікті кеңістікті қамтамасыз ететінін тексеру өте маңызды.

Ұзындық сынағы: Аяқ киімнің алдыңғы жағын басу арқылы балаңыздың бас бармағы мен аяқ киімнің ұшына дейінгі қашықтықты тексеріңіз. Балаңыздың саусақтары аяқ киімнің ұшынан тым алыс болмауы керек. Жарты сантиметрлік бос орын өте жақсы болады. Баланың аяғынан кем дегенде жарты өлшем үлкен аяқ киімді таңдаңыз. Бұл қашықтық саусақтардың дамуы мен қозғалысы үшін қолайлы болады. 

Өкше бөлігінен кішкентай саусағыңыз кіруге жеткілікті орын болуы тиіс. 

Ен сынақ: Балаңыз киінген кезде аяқ киімнің бүйірін қолымен басу арқылы саусақтардың орналасуын анықтаңыз. Ұзындық сынағындағыдай сияқты аяқ шеттерге тимеу керек. 

Өкше сынағы: Баланың тобығынан ұстап, аяғын аяқ киімнің ішінде жоғары және төмен жылжытыңыз. Балаңыздың аяғы еркін қозғалса, бірақ аяқ киімі шешілмесе, бұл аяқ қиім үлкендігі тұрғысынан шақ деген сөз.

2.  Басқа мәліметтер: 

Түске, модельге және брендке назар аудармас бұрын, негізгі нәрселерге назар аударған дұрыс. Мақсатымыз балаңыздың аяғының дамуына кері әсер етпейтін және оңай қолданатын өнімді табу керек.

• Аяқтың сырғып кетпеуі үшін табанның тегіс және тайғақ емес екеніне көз жеткізіңіз. Табаны өте қатты, аяқтың пішініне қарай майыспайтын, пішіні келмейтін бір аяқ киім нәрестенің әрі қозғалу қабілетін шектейді, әрі сүйек және бұлшықет жүйесінің зақымдалуына себеп болады. Бірінші аяқ киімнің мұрын жағы кем дегенде 40 градусқа бүгілу керек. Осы себепті сатып алғанда, аяқ киімді бүгіп, майыстырып, икемділігін өлшеу керек.
• Аяқ киім жасалған материалға назар аудару керек. Жоғары бөлігі жұмсақ, теріден жасалған, ыңғайлы модельдерді таңдауға болады. Жазда тағы органикалық сетка, мақта немесе кенеп үлгілерін таңдауға болады. Қатты теріден және синтетикалық материалдардан аулақ болу керек. Баланың аяқтарының тыныс алуына, терлеуіне немесе зақымдалуына жол бермейтін резеңке және пластик сияқты материалдарды таңдамаған жөн.
• Табаны қозғалу қабілеті қимыл-әрекетін қолдауға кедергі келтірмейтін икемді және жеңіл түрлері қолайлы. Нәресте жүрген кезде кезінде тербеледі және кішігірім бұзылу кезінде құлау қаупіне тап болады. Ауыр аяқ киіммен бұл қиын жұмыс оған одан да қиын келеді. Сондықтан баланың әрекеттерін жеңілдету және орынсыз күш жұмсаудың алдын алу үшін жеңіл аяқ киімді таңдау керек.
• Реттелетін байлау мүмкіндіктері бар байлаулы немесе ілмекті үлгілерді таңдауға болады.
• Қатты емес, бірақ қорғаныс пен қолдауды қамтамасыз ете алатын түрлерді сатып алу керек.
• Осы ерекшеліктердің барлығына қоса, сатып алатын аяқ киім үлгісінде жұту қаупіне байланысты балаңыз оңай жұлып алатын моншақтары немесе әртүрлі эстетикалық элементтердің болмауы маңызды.
• Осы мүмкіндіктердің барлығына сәйкес келетін аяқ киім сатып алынғанына қарамастан егер балаңыз қазіргі аяқ киіміне риза болмаса және мазасызданса, басқа модельге ауысу маңызды.