Cапалы ұйықтау және күні бойы өзімізді сергек ұстау

Бүгін сапалы ұйықтау және күні бойы өзімізді сергек ұстау үшін бірнеше табиғи ұсыныстар жасаймыз.

• Розмари

Ұйқы келтіретін әсерін GABA A рецепторларын ынталандыру арқылы береді. Шайын ішуге болады.

• Дәрілік шүйгіншөп

Зерттеу нәтижесінде дәрілік шүйгіншөптің ұйықтауға көмектесетіні дәлелденді.

• Женьшень

Әсіресе корей қызыл женьшені жалпы ұйқы уақытын ұзартады. Сондай-ақ ұйқы-ояну циклін реттейді деп есептеледі.

• Пассифлора

Бұл шөптің тыныштандыратын қасиеті бар.

• Күлгін майы

Ұйықтар алдында 30 минут бұрын күлгін майын иіскеу ұйқының сапасын жақсартады және ұйқысыздықты азайтады.

• Дәрілік жаужапырақ (Лимон шөбі) шайы

Дәрілік жаужапырақтыңөткір иісі мен дәмінің арқасында шай хош иістендіріліп, тыныштықты оятады. Стрестен арылуға және бұлшықеттерді рахаттандыруға көмектесетін лимон шөбі ұйықтауды жеңілдетеді.

• Кава

Тынық мұхитында өсетін қара бұрыштың бір түрі. Ол GABA A рецепторларын ынталандыру арқылы өзінің ұйқыны тудыратын әсерін береді. Өсімдіктің тамырында көп кездесетін бұл заттарды абайлап пайдалану керек, өйткені олар бауырды зақымдауы мүмкін.

• Лаванда

Лаванда эфир майы мен суын иіскеу GABA арқылы ұйқы мерзімін ұзартады, ұйқының бұзылуының алдын алады және тиімдірек ұйқыны қамтамасыз етеді. Лаванда тыныштандыратын бір иіске ие болғандықтан ұйықтауға ынталандырып, қолданылатын өсімдіктердің басында келеді. Зерттеулер көрсеткендей, ұйықтар алдында 30 минут бұрын лаванда майын иіскеу ұйқының сапасына оң әсер етеді. Лаванда әсіресе ұйықтай алмағандар, жастар мен әйелдер қолдануға болатын тиімді бір ұйқы ынталандырушы.

Лаванданың өзі сияқты, оның шайы да дәмді және жеңіл. Шайға қайнатылған лаванданың ішіндегі майы жақсы сіңеді және сізді тыныштандыруға көмектеседі. Қарбалас күннен кейін бір стақан лаванда шайы әрі бұлшықеттеріңізді босаңсытады, әрі сізді тазартатын бір ұйқыға дайындайды.

• Жалбызды шай

Ұйықтар алдында бір стақан жалбыз шайды ішу әсіресе асқазаны ауыратын, сондықтан ұйқысыздықтан зардап шегетін адамдарға қатты көмектеседі. Жалбыздың асқазанды тыныштандыратын әсері рефлюкс сияқты асқазан ауруларын азайтады және ұйықтауды жеңілдетеді.

• Көк шай

Антиоксиданттарға толы бұл шай сізді тыныштандыруға көмектеседі.

• Түймедақ

2 апта бойынша түймедақ шайын тұтынудың ұйқы сапасын жақсартқаны және көңіл-күйді реттегені атап көрсетіледі. Дүние жүзіндегі ең көп таралған ұйқыға көмектесетін шай болып табылатын түймедақ шайын барша біледі. Тыныштандыратын әсерінің арқасында ұйықтар алдында қабылдағанда, мазасыздық пен стресті азайтады және қажет болғандай терең ұйықтауға көмектеседі.

• Магнолия қабығынан жасалған шай

Магнолия шайын тыныштандыру және ұйықтау үшін ішуге болады. Магнолия ұйқыға кететін уақытты қысқартуға, ұзағырақ және тереңірек ұйықтауға көмектеседі.

• Магний

Магний ақыл мен денені тыныштандыруға көмектесетіні белгілі, бұл ұйықтауды жеңілдетеді. Зерттеулер көрсеткендей магнийдің босаңсытатын және тыныштандыратын ерекшелігі мелатонин циклін жақсартуға көмектеседі және осылайша белгілі бір тәртіпте ұйықтайды.

• Бадам

Ұйықтар алдында бадам жеу ұйқының сапасын арттыруға көмектеседі. Бадамдағы мелатонин гормоны ұйықтауды жеңілдетсе, бұлшықеттерді босаңсытып, жақсы ұйқыға көмектеседі.

• Кофеинді кешкі уақытта тұтынбау

Ұйқысыздық проблемалары бар адамдар ұйқыға дейін 6 сағат бұрын кофеинді қабылдауды тоқтату керек. Бұл ұйқысыздық проблемаларын жояды.

• Дене шынықтыру

Физикалық тұрғыдан белсенді бір күн өткізу түнгі ұйқының жақсы болуын қамтамасыз етеді. Көптеген зерттеуге қарағанда күніне кемінде 60 минут дене шынықтырған адамдардың одан жақсы ұйықтағаны және күнді жігерлі бастағаны дәлелденген.

     • Күннің шуағын жіберіп алмаңыз

Күндізгі жарық сіздің денеңіздің табиғи сағатын реттейді және қашан шаршап, қашан жігерлі болу керектігін білуге ​​көмектеседі. Осылайша дене қараңғы түскенде мелатонин шығарады және дұрыс ұйқы режимін қалыптастырады.

• Стреспен күресу

Стресті басқару тереңірек және одан мықты бір ұйқы тәртібі үшін аса маңызды.

• Ұйықтау бөлмесінің температурасы

Бөлмедегі температураның 20-25 градус аралығынан жоғары болуы, ұйықтап кетуді қиындатуы мүмкін.

• Ұйықтар алдында тамақ ішпеңіз

Ұйықтар алдында ішіп-жеу түн ортасында ұйықтауыңызға кедергі жасауы мүмкін.

Док. Мехмет Учар