Türkiyə mətbuatı, 13 fevral 2024
“Hürriyet”, “Star”, “Haber Türk”, “Vatan” və “Sabah” nələrdən yazır?
“Hürriyet”: Ərdoğandan “F-16” açıqlaması
Türkiyə prezidenti Rəcəb Tayyib Ərdoğan Nazirlər Kabinetinin 12 fevral iclasından sonra verdiyi açıqlamada ABŞ-la “F-16” döyüş təyyarəsi danışıqları ilə bağlı "tələbimizin müsbət nəticələnməsindən məmnunuq" dedi.
“Star”: Türkiyənin İsrailin Rəfah şəhərinə hücumlarına reaksiyası
Türkiyə Xarici İşlər Nazirliyi bildirib: “İsrailin Qəzza zolağında indiyədək törətdiyi dağıntı və qırğınlardan sonra cənubdakı Rəfah şəhərinə artan hücumlarından çox narahatıq. Biz bu əməliyyatı Qəzza xalqını öz torpaqlarından qovmaq planının bir hissəsi hesab edirik”.
“Haber Türk”: Alper Gezeravcı ölkəyə qayıtdı
Türkiyənin ilk astronavtı Alper Gezeravcını gətirən təyyarə fevralın 12-də Ankara Esenboğa hava limanına enib. Gezeravcı mətbuat konfransında açıqlama verərkən "Çətinliklə qarşılaşdığım bir an belə olmadı" deyib. Daha sonra prezident Rəcəb Tayyib Ərdoğan Türkiyənin ilk astronavtı Alper Gezeravcını qəbul edib.
“Vatan”: Uraloğlu “PUA-larımız “Türksat” peykləri ilə idarə olunacaq" dedi
Nəqliyyat və infrastruktur naziri Əbdülqədir Uraloğlu Türkiyənin milli pilotsuz uçuş aparatları (PUA) başda olmaqla bütün PUA-ların “Türksat” peykləri ilə idarə olunacağını söylədi.
“Sabah”: İşsizlik tək rəqəmli səviyyədə qaldı
Türkiyə Statistika Təşkilatı 2023-cü il dekabr ayı işsizlik rəqəmlərini açıqlayıb: Türkiyədə işsizlik dekabrda 8,8 faizə çataraq birrəqəmli rəqəmdə qalıb.
Әlaqәli Xәbәrlәr
Türkiyə mətbuatı, 26 aprel 2024
“Haber Türk”, “Star”, “Hürriyet”, Sabah” və “Yeni Şafak” nələrdən yazır?