Türkiyə mətbuatı, 6 sentyabr 2022
“Vatan”, “Sabah”, “Yeni Şafak”, “Star” və “Hürriyet” nələrdən yazır?
“Vatan”: Ərdoğan “Yunanıstan bizim həmsöhbətimiz deyil” dedi
Prezident Rəcəb Tayyib Ərdoğan Türkiyə təyyarələrinin Yunanıstan tərəfindən təqib edilməsinə reaksiya verərək deyib: "Yunanıstan bizim həmsöhbətimiz deyil, ona görə ki, biz siyasət, iqtisadiyyat və hərbi baxımdan bərabər deyilik”.
“Sabah”: Yunanıstanda Lavrion terror düşərgəsi
Yunanıstanın 1985-ci ildə qaçqınlar üçün yaratdığı Lavrion düşərgəsi terrorçuların sığınacağına çevrilib. Düşərgədə başda PKK-çılarla yanaşı bir çox terror təşkilatına təlimlər verilir. 6 aylıq təlimdən sonra terror təşkilatı üzvlərinə Yunanıstan pasportları verilərək İraqa göndərilir.
“Yeni Şafak”: Çavuşoğlu “Avropada irqçilik və anti-islamçılıqdan narahatıq” dedi
Türkiyənin xarici işlər naziri Mövlud Çavuşoğlu paytaxt Ankarada Fransanın xarici işlər naziri Ketrin Kolonna ilə birgə təşkil edilən mətbuat konfransında çıxış edib: “Avropada artan irqçilik və anti-islamçılıq narahatlıq doğurur. Fransadakı türk və müsəlman məscid və dərnəklərinin təhlükəsizliyi üçün lazım olan bütün tədbirlərin görülməsini gözləyirik".
“Star”: Dünya şəfanı Türkiyədə axtarır
Türkiyə sağlamlıq turizmində mühüm mərkəz olmağa davam edir. Mədəniyyət və turizm naziri Mehmet Nuri Ersoy 2022-ci ilin ilk 6 ayında tibbi səbəblərlə Türkiyəyə gələnlərin sayının 586 min 754 olduğunu açıqlayıb.
“Hürriyet”: Türkiyə turizmi qışa hazırlaşır
Rusiyanın qazı tamamilə kəsməsi ilə Avropada 150 milyon təqaüdçü qışda seçimini səbirsizliklə gözləyir. Türkiyə turizmçiləri də buna görə son 3 ilin ən aktiv qış turizminə hazırlaşır. Avropalıların Türkiyədə qış tətili sifarişlərində böyük artım gözlənilir.
Әlaqәli Xәbәrlәr
Türkiyə mətbuatı, 26 aprel 2024
“Haber Türk”, “Star”, “Hürriyet”, Sabah” və “Yeni Şafak” nələrdən yazır?