Türkiyə prezidenti rusiyalı həmkarına dəstəyini ifadə etdi
Türkiyə prezidenti Rəcəb Tayyib Ərdoğan ilə Rusiya prezidenti Vladimir Putin arasında telefon danışığı olub
2119418
Türkiyə prezidenti Rəcəb Tayyib Ərdoğan ilə Rusiya prezidenti Vladimir Putin arasında telefon danışığı olub. Danışıq zamanı Ərdoğan Moskvada baş verən terror aktı ilə bağlı dərin kədər hissi keçirdiklərini bildirərək rusiyalı həmkarına başsağlığı verib.
Prezident Ərdoğan günahsız insanları vəhşicəsinə hədəfə alan mənfur terror aktını ən sərt şəkildə qınayaraq Rusiya xalqına səbr diləyib.
Türkiyə prezidenti baş verən hücumun bölgədəki böhranlara ən qısa zamanda sülh yolu ilə son qoyulmasının vacibliyini ortaya qoyub, terrorla mübarizə sahəsində Rusiya ilə əməkdaşlığı inkişaf etdirməyə hazır olduqlarını bildirib.