THY 10 ildən sonra Liviya uçuşlarına başlayır

  Türkiyə Hava Yolları (THY) 10 ildən sonra gələn həftədən Liviyaya uçuşlara başlayır.

  Liviyanın baş naziri Əbdülhəmid Dibeybe sosial media hesabından açıqlama verərək bildirib: “Əlhəmdülillah, təxminən 10 illik fasilədən sonra THY martın son həftəsindən etibarən Liviyaya uçuşlarına yenidən başlayır.

  THY-nin Liviyaya uçuşlara başlaması ölkədə sabitliyin bərqərar olmasıdır. Bu addıma töhfə verən Liviya Mülki Aviasiya İdarəsi və əlaqədar qurumlara təşəkkür edirəm”.

  THY-nin baş direktoru Bilal Ekşi da sosial media hesabından açıqlama verərək bildirib: "Liviyaya uçuşlarımız başlayır. Həftədə 3 uçuş həyata keçirəcəyik. Biletlər artıq satışdadır".