THY-nin yeni brendi “AJet” bilet satışına başladı

  Türkiyə Hava Yollarının (THY) yeni brendi “AJet” rəsmi internet saytı “ajet.com”da bilet satışına başlayıb.

  Martın 31-dən etibarən səma ilə qarşılaşaraq hava yolu təcrübəsini daha müasir, rahat və əlçatan etməyi məqsəd edən “AJet”də 95 təyyarə ilə 41-i daxili, 52-si beynəlxalq olmaqla, ümumilikdə 93 istiqamətə uçuşlar həyata keçirəcək.

  Qlobal artım hədəfi olaraq 10 il ərzində 200 təyyarə parkı ilə ümumilikdə 44 ölkəyə uçuşlar etməyi planlaşdıran “AJet” dünya standartlarında aşağı büdcəli hava yolu şirkəti olacaq və bazardakı rəqabət mövqeyini daha da gücləndirəcək.