“2024-cü ildə yerli peykimizi kosmosa çıxarmaqla gücümüzü daha da artıracağıq”, Ə.Uraloğlu

  Türkiyə nəqliyyat və infrastruktur naziri Əbdülqədir Uraloğlu “Biz 2024-cü ildə Amerikaya öz milli və yerli peykimizi göndərməklə və iyun ayında kosmosa çıxarmaqla orada gücümüzü artıracağıq” dedi.

  Nazir İstanbulda Ukrayna baş nazirinin müavini, infrastruktur və regional inkişaf naziri Aleksandr Kubrakov və ticarət naziri Ömər Bolatın iştirakı ilə keçirilən Ukraynanın Yenidənqurulması Forumunda çıxışında Türkiyənin kosmos araşdırmalarına toxunub: "Kosmosda peyklərimiz var. 2024-cü ildə Amerikaya öz milli və yerli peykimizi göndərib, iyun ayında kosmosa göndərərək orada gücümüzü artıracağıq".