Hakan Fidan Bolqarıstan prezidenti tərəfindən qəbul edildi

Xarici işlər naziri Hakan Fidan Bolqarıstanın paytaxtı Sofiyada prezident Rumen Radev tərəfindən qəbul edilib.

Nazirliyin rəsmi ''X'' internet səhifəsində edilən paylaşımda bu ifadələrə yer verilib: “Nazirimiz Hakan Fidan Sofiyada Bolqarıstan prezidenti Rumen Radev tərəfindən qəbul edildi”. 

Nazirliyin etdiyi digər paylaşımda isə  Hakan Fidanın Bolqarıstanın baş naziri Denkovla da görüşdüyü bildirilib.

Nazir Hakan Fidanın həmçinin Bolqarıstanın baş müftisi Mustafa Hacı ilə birlikdə “Kadı Seyfullah Əfəndi'' məscidini də ziyarət etdiyi qeyd olunub.