Hakan Fidan Nyu-Yorkda Sergey Lavrov ilə görüşüb

Xarici işlər naziri Hakan Fidan Nyu-Yorkda Rusiya Federasiyasının xarici işlər naziri Sergey Lavrov ilə görüşüb.

Birləşmiş Millətlər Təşkilatının (BMT) Təhlükəsizlik Şurasının Fələstinlə bağlı iclasında iştirak etmək üçün Nyu-Yorka səfər edən xarici işlər naziri Hakan Fidan toplantıdan əvvəl Rusiya Federasiyasının xarici işlər naziri Sergey Lavrov ilə ikitərəfli görüş keçirib.

İclasda hər iki ölkənin nümayəndə heyətləri də iştirak edib.
İki həmkarın görüşündə Cənubi Qafqazdakı durum müzakirə olunub.

Tərəflər regionda problemlərinin qarşısının alınması üçün addımların əlaqələndirilməsi barədə razılığı təsdiqləyiblər.

H.Fidan və S.Lavrov, həmçinin Suriya, Orta Şərq və Qara dəniz ətrafındakı vəziyyət barədə də danışıblar.