Əminə Ərdoğan: "Qəzza indi məchul uşaqlar şəhəri olub"

Prezident Rəcəb Tayyib Ərdoğanın həyat yoldaşı Əminə Ərdoğan Qəzzanın indi məchul uşaqlar şəhəri olduğunu bildirərək, İsrail dövlətinin bütün əlaqədar üzvlərinin törətdikləri bütün hərbi cinayətlərə görə Beynəlxalq Cinayət Məhkəməsində mühakimə olunmasını tələb etdiyini bildirib.

Bir çox ölkədən dövlət və hökumət başçılarının həyat yoldaşlarının, xüsusi nümayəndələrin iştirakı ilə İstanbulda Prezident Admisitrasiyası Dolmabahçe İş Ofisində keçirilən “Fələstin üçün bir ürək” mövzusunda keçirilən sammitdə  Əminə xanım Ərdoğan qonaqlar qarşısında çıxış edib:

"Biz bu gün buradayıq, çünki səbəb irəli sürmədən və səbəblər olmadan atəşkəs tələb edirik.

Ağlıma hər şey gələrdi, amma heç vaxt düşünmürdüm ki, bir gün müharibələrdə məchul əsgərlər üçün istifadə edilən “məchul əsgər” anlayışını uşaqlar üçün istifadə edəcəyik.

Qəzza indi məchul uşaqlar şəhəri olub. İsrail dövlətinin bütün müvafiq üzvlərinin törətdikləri bütün hərbi cinayətlərə görə Beynəlxalq Cinayət Məhkəməsində mühakimə olunmasını tələb edirəm". 

Əminə xanım Ərdoğan dünyada sülh və asayişin bərqərar olmasından məsul olan İsrail və Birləşmiş Millətlər Təşkilatının beş daimi üzvünə müraciət edərək deyib ki, bu vəhşiliyi dayandırmaq üçün hansı kritik ölüm astanasını gözləyirsiniz? Vicdanları kar edəcək dərəcədə susan beynəlxalq ictimaiyyətdən soruşmaq istəyirəm. Bu 40 günlük biabırçılıqdan sonra dünyada sülhü və ədaləti hansı haqqla müdafiə edəcəksiniz? 

O, bütün dövlət başçılarını Qəzzada öldürülənlərin və kütləvi qırğınlar davam edərkən səsi kəsilənlərin səsi olmağa dəvət edib.

"Gəlin bu görüşü sözdən hərəkətə Fələstində sülh təşəbbüsünə çevirək. Gəlin bütün dünyanı eyni səslə Fələstində və İsraildə daimi sülhə nail olmaq üçün səylərimizi birləşdirməyə çağıraq" deyə Əminə xanım Ərdoğan qeyd edib.