Monteneqronun XİN rəhbəri Türkiyenin bu ölkədəki səfiri ilə görüşüb

Monteneqronun xarici işlər naziri Filip İvanoviç Türkiyenin Monteneqrodakı səfiri Barış Kalkavan ilə görüşüb.
Paytaxt Podqoritsada baş tutan görüşdə iki ölkə arasında ümumi münasibətlərin çox yaxşı olmasından məmnunluq ifadə olunub.
F.İvanoviç bildirib ki, çoxəsrlik diplomatik əlaqələr və dostluq hər iki ölkəni fədakarlıq və əzmlə əlaqələri və əməkdaşlığı davam etdirməyə vadar edir.
Səfir B.Kalkavan Türkiyenin Monteneqro ilə əməkdaşlığını müxtəlif sahələrdə daha da gücləndirmək mövzusunda qətiyyətli olduğunu qeyd edib.
Görüş zamanı tərəflər iki ölkə arasında münasibətləri daha da gücləndirəcək mövcud və yeni təşəbbüslər çərçivəsində təmasları intensivləşdirməyə  hazır olduqlarını ifadə ediblər.