Prezident Ərdoğan ABŞ-ı tənqid edib

Prezident Rəcəb Tayyib Ərdoğan Orta Şərqdəki gərginlikdə bütün diqqətləri Amerika Birləşmiş Ştatlarına (ABŞ) çəkəcək bəyanat verdi.

Prezident Ərdoğan paytaxt Ankarada Avstriya kansleri Karl Nehammerlə görüşündən sonra təşkil edilən birgə mətbuat konfransında danışıb.

Oktyabrın 7-dən Orta Şərqdə artmaqda olan gərginliyi dəyərləndirən Ərdoğan ABŞ-ın bölgədəki hazırkı mərhələdəki mövqeyini tənqid edib.

ABŞ administrasiyasının bölgəyə "USS Gerald R. Ford" təyyarədaşıyan gəmisini göndərməsinə toxunaraq deyib:

“Amerikanın təyyarədaşıyan gəmisinin İsraildə nə işi var? O nə etməyə gəlir? Təyyarə gəmisinin ətrafındakı bütün qayıqları və təyyarədaşıyan təyyarələri ilə nə edəcək? Bundan sonra Qəzzaya və ətrafına hücum edərək, məhv edərək çox ciddi qırğınlar törətməyə başlayacaqlar. Hazırda Suriyada 20-dən çox Amerika bazası var. Amerika bazalarının Suriyada nə işi var? Bu bazalarla nələr edilir? 23 baza mövcutdur. Bütün bunları qiymətləndirmək lazım deyilmi? Amma təəssüflər olsun ki, Amerika Türkiyeyə məxsus pilotsuz uçan aparatı vurur (separatçı terror təşkilatı PKK-ya qarşı əməliyyat keçirən). Türkiye hazırda Amerikanın NATO-dakı tərəfdaşı deyilmi? Birlikdə deyilmi? Bunu necə izah edək? Bunu necə qiymətləndirəcəyik? Bizə uyğun gələndə tərəfdaşıq, amma bizə uyğun gəlməyəndə təəssüf ki tərəfdaş deyilik. Amerika bütün terror təşkilatlarına təlim keçir, silahlandırır. Təəssüf ki, istər Suriyada, istərsə də Orta Şərqdə bu yerləri qan gölünə çevirir. Gəlin bunlara baxaq”.

Regionda gərginliyi artıracaq, daha çox qan tökülməsinə səbəb olacaq, problemləri daha da dərinləşdirəcək addımlardan qaçmağın vacib olduğunu vurğulayan prezident deyib ki,hazırda Qəzzaya su verilmir. Bəs insan hüquqları? İşıq yoxdur, verilmir. Hazırda Qəzzada xəstəxanalarda vəziyyət necədir? Fəaliyyətdədirmi? Təəssüf ki!... Amma ibadət yerləri və xəstəxanalar amansızcasına vurulur. Bunlar edilərkən heç kim heç nə demir.

Xatırladaq ki, “Həmas”ın hərbi qanadı Qəssam Briqadaları oktyabrın 7-si gecəsi İsrailə qarşı “Əqsa tufanı” adlı hərtərəfli hücuma keçib. Qəzzadan İsrailə doğru minlərlə raket atılıb, silahlı qruplar bölgədəki yaşayış məntəqələrinə daxil olub. İsrail ordusu da döyüş təyyarələri ilə Qəzza zolağına qarşı “Dəmir qılınclar” əməliyyatına başlayıb.
Artan gərginlikdə hər iki tərəfdən yüzlərlə itki, minlərlə yaralı var.