İHL 14-21 avqust tarixlərində "Avropanın ən işlək hava limanı" oldu

  İstanbul Hava Limanı 14-21 avqust tarixlərində gündəlik orta hesabla 1517 uçuşla Avropanın ən işlək hava limanı oldu.

  Avropa Hava Naviqasiyasının Təhlükəsizliyi Təşkilatının 14-21 avqust tarixləri üçün Avropa Aviasiya Hesabatı yayınlanıb.

  Hesabata görə, İstanbul Hava Limanı sözügedən müddət ərzində hər gün orta hesabla 1517 uçuşla Avropanın ən işlək hava limanları arasında birinci olub.

  İstanbul hava limanından sonra gündəlik orta hesabla 1368 uçuşla “Amsterdam Schiphol”, 1338 uçuşla “Paris Şarl de Qoll” aeroportları gəlir.