Türkiye Yunanıstana yanğınsöndürmə təyyarəsi göndərəcək

Türkiye Yunanıstanda davam edən meşə yanğınları ilə mübarizə çərçivəsində bu ölkəyə 2  yanğınsöndürmə təyyarəsi və 1 yanğınsöndürmə helikopteri göndərəcək.
Bu barədə Türkiye Prezidenti Administrasiyasının İctimaiyyətlə Əlaqələr İdarəsindən verilən məlumatda bildirilib. 
“Prezidentimiz cənab Rəcəb Tayyib Ərdoğanın göstərişi ilə Kənd Təsərrüfatı və Meşə Nazirliyinin inventarında qeydiyyatda olan 2 yanğınsöndürmə təyyarəsi və 1 yanğınsöndürmə helikopteri uçuş heyətləri ilə Yunanıstana göndəriləcək'',-deyə məlumatda vurğulanıb.