Türkiyə BMT TŞ-nin Kiprlə bağlı şərhinə reaksiya verdi

  Türkiyə Birləşmiş Millətlər Təşkilatı (BMT) Təhlükəsizlik Şurasının Kiprlə bağlı mətbuat şərhinə reaksiya verib.

  Türkiyə Xarici İşlər Nazirliyindən verilən yazılı açıqlamada bildirilir: “Şimali Kipr Türk Respublikası (ŞKTR) XİN-inin bəyanatını tam dəstəkləyirik.

  BMT Təhlükəsizlik Şurası reallıqlarla əlaqəsi kəsilmiş uğursuz həll modelində israra davam edir.

  Federal həll hədəfi artıq qıbrız-türk xalqının suveren iradəsini əks etdirmir, bunu görmək lazımdır.  

  BMT baş katibinin Birləşmiş Millətlər Təşkilatı Təhlükəsizlik Şurasının hesabatlarını əsas götürməkdən tədricən uzaqlaşan bu münasibəti Kiprdə həlli təşviq etmək yerinə Kipr Rum tərəfinin (Cənubi Kipr) adanın ortağı olan qıbrız türklərini heçə sayan barışmaz hərəkətlərini körükləyir.  

  BMT Təhlükəsizlik Şurasının Kipr türklərinin keçmişdə müzakirə olunan həll modelindən dəstəyini geri çəkdiyini anlamasını gözləyirik.

  Bir daha vurğulayırıq ki, Kiprdə əldə ediləcək ədalətli, qalıcı və davamlı həll adadakı iki xalqın iradəsini əks etdirməlidir və üçüncü tərəflərlə bu edilə bilməz. BMT Təhlükəsizlik Şurası və beynəlxalq ictimaiyyət bu faktı qəbul edir ki, Kipr adasında iki ayrı xalq və iki ayrı dövlət var. Bu əsasda biz qıbrız-türk xalqını beynəlxalq hüquqlara görə suverenliyinin qurulması üçün qeydiyyatdan keçirməyə dəvət edirik. Bu, Kipr probleminin həlli üçün adada başlanmalı əvəzsiz ilkin şərtdir.”