Rəcəb Tayyib Ərdoğan ''Taxıl dəhlizi'' məsələsini qiymətləndirib

Özəl televiziya kanallarından birinə müsahibə verən Türkiye Prezidenti Rəcəb Tayyib Ərdoğan ''Taxıl dəhlizi'' məsələsini qiymətləndirib.

Türkiyenin diplomatiya sahəsindəki uğurunun ən böyük nümunəsinin Rusiya-Ukrayna müharibəsində oynadığı vasitəçi rolu olduğunu bildirən Rəcəb Tayyib Ərdoğan Türkiyenin ''Taxıl dəhlizi'' məsələsində əldə etdiyi nailiyyətlərin yüksək qiymətləndirildiyini deyib.
Rəcəb Tayyib Ərdoğan sözlərinə belə davam edib: ''Rusiya Prezidenti Vladimir Putinlə keçirdiyimiz görüşlər çox aydındır. Cənab Vladimir Putin ''Mən taxıl dəhlizi vasitəsilə taxıl məhsulları göndərərəm ancaq bu məhsulların 44 faizi Avropaya gedir, getməsin. Az inkişaf etmiş Afrika ölkələrə daşınsın'' dedi. Mən də ona dedim ki, taxılı Türkiyeyə göndərin biz də onu una çevirək, buradan da az inkişaf etmiş ölkələrə göndərək. Bizim belə bir razılaşmamız var. İki-üç günə cənab Vladimir Putinlə telefon danışığımız olacaq. Bu sahədə də addım atacağıq''.