Ərdoğan zəlzələ bölgəsi Elbistana getdi

Prezident Rəcəb Tayyib Ərdoğan fevralın 6-da baş verən 7,6 bal gücündə ikinci zəlzələnin episentri olan Kahramanmaraşın Elbistan qəsəbəsinə gedib.

Ankara Esenboğa Hava Limanından zəlzələ bölgəsinə yola düşən Ərdoğanı Milliyyətçi Hərəkat Partiyasının (MHP) sədri Dövlət Baxçalı və Böyük Birlik Partiyasının (BBP) sədri Mustafa Destici müşayiət edir.

Prezident Ərdoğan Elbistandan sonra Kahramanmaraşın Afşin və Malatyanın Doğanşehir rayonlarında zəlzələ qurbanları ilə görüşəcək, zəlzələdən sonra aparılan işləri yerində tədqiq edəcək.