Saatlar keçsə də dağıntıların altından ümidverici xəbərlər gəlir

Türkiyeni dərindən sarsıdan episentri Kahramanmaraş vilayəti olan zəlzələlərdə dağıntılar altından müjdə vermək üçün yüzlərlə xilasetmə qrupu və minlərlə könüllü fəaliyyətlərini davam etdirir.

Saatlar keçsə də dağıntıların altından ümidverici xəbərlər gəlir.

Hatay vilayətinin İskenderun rayonunda baş verən zəlzələlərdə dağılan 5 mərtəbəli mənzilin dağıntıları altında qalan 16 yaşlı uşaq 56 saatdan sonra xilas edilib. Komandaların əməkdaşlığı ilə dağıntılar altından çıxarılan Mahmud Salman alqışlarla xəstəxanaya aparılıb.

Arsuz rayonunda zəlzələ nəticəsində dağılan binanın dağıntıları altında qalan 2 qadın 56 saat, Kırıkhan rayonunda isə 2 uşaq 52 saat sonra xilas edilib.

Kahramanmaraşda da dağıntılar altında qalan 11 yaşlı Emine Karataş zəlzələdən təxminən 56 saat sonra xilas edilib.

Malatya şəhərində də dağıntılar altında qalan qadın zəlzələdən 55 saat sonra xilas edilib.

Göktuğ küçəsində dağılmış binanın altında qalan 40 yaşlı Birgül Aranır səhiyyə işçiləri qrupları tərəfindən xəstəxanaya aparılıb.

Kahramanmaraş vilayətinin Elbistan rayonunda 5 mərtəbəli binanın dağıntıları altında qalan 38 yaşlı Rahime Demirci yanğınsöndürmə briqadaları tərəfindən təxminən 52 saat sonra xilas edilib.

Hatayda dağıntılar altında qalan 2 qadın 48 saatdan sonra xilas edilib.

Axtarış-xilasetmə qrupları və hərbçilər tərəfindən 52 yaşlı Mona Gazel və 74 yaşlı Necla Melek dağıntılar altından xilas edilib. Qazel və Mələk sağlamlıqları yoxlanıldıqdan sonra xəstəxanaya aparılıb.

Axtarış-xilasetmə qrupları Hatay vilayətinin İskenderun rayonunda Mustafa Kamal məhəlləsindəki binalardan birinin dağıntıları altından kömək istəyən səs eşidib.

Qrup işçiləri dağıntıları diqqətlə təmizləyərək 33 yaşlı suriyalı ana İmed Sabha və onun 2 yaşlı qızı Vafe Sabhanı xilas ediblər.

Təcili yardıma çatdırılan ana və qızı xəstəxanaya aparılıb. Dağıntıların təmizlənməsi işləri davam edir.

Hatay vilayətinin mərkəzində Uğur Mumcu küçəsində dağılmış yaşayış binasının dağıntıları altından uşaq 45 saat sonra xilas edilib.

Daha bir şad xəbər Uğur Mumcu küçəsindən gəlib. Dağılmış yaşayış binasının dağıntıları altından bir qadın 45 saat sonra sağ-salamat xilas edilib.

Adıyamanda dağılmış binanın dağıntıları üzərində işləyən qrup zəlzələdən 36 saat sonra adı öyrənilə bilməyən körpəni xilas edib.

Şanlıurfanın Birecik rayonunda baş verən zəlzələnin 52-ci saatında dağıntılar altından xilas edilən 27 yaşlı Serhat Qayadan sonra 65 yaşlı atası Müslüm Kaya təxminən bir saat sonra xılas edilib.

Şanlıurfada qruplar 6 yaşlı Əhməd Ayaz Abakanı 47 saat sonra Yenişehir Məhəlləsindəki 5 mərtəbəli bir mənzilin dağıntıları altından xilas edilib.