Türkiye Konqo Demokratik Respublikasına başsağlığı verdi
Türkiye Xarici İşlər Nazirliyi Konqo Demokratik Respublikasında (KDR) daşqınlar nəticəsində həyatını itirənlər ilə əlaqədar bu ölkəyə başsağlığı verib.
Türkiye Xarici İşlər Nazirliyi Konqo Demokratik Respublikasında (KDR) daşqınlar nəticəsində həyatını itirənlər ilə əlaqədar bu ölkəyə başsağlığı verib.
Nazirlikdən verilən açıqlamada deyilir: ''Konqo Demokratik Respublikasında baş verən daşqınlar nəticəsində çox sayda adamın öldüyü ilə bağlı xəbər bizi kədərləndirib. Təbii fəlakət nəticəsində həyatını itirənlərin ailələrinə, dost Konqo Demokratik Respublikası xalqına və hökumətinə başsağlığı verir, yaralılara şəfa diləyirik”.
Qeyd edək ki, Konqo Demokratik Respublikasının paytaxtı Kinsaşada leysan yağışların səbəb olduğu daşqınlar nəticəsində 120 nəfər həyatını itirib.
Daşqınlar nəticəsində paytaxt Kinsaşadakı küçələr su altında qalıb, çox sayda ev dağılıb, şəhərin bir sıra məhəlləsində torpaq sürüşməsi baş verib.