Ərdoğan Aşura gününün və Məhərrəm ayının İslam dünyası üçün xeyirli olmasını diləyib

Prezident Rəcəb Tayyib Ərdoğan Aşura gününün və Məhərrəm ayının İslam dünyası üçün xeyirli olmasını diləyib.

Prezident Ərdoğan sosial media hesabında etdiyi paylaşımda deyib: "Birlik və həmrəyliyin simvolu olan Aşura gününün, Məhərrəm ayının İslam dünyası üçün xeyirli olmasını diləyirəm. Şəhid olmasının ildönümündə şəhidlərin əfəndisi Peyğəmbərimizin nəvəsi Hz. Hüseyn əfəndimizi və Kərbəla şəhidlərini rəhmətlə yad edirəm".

Ərdoğan dünən axşam (8 avqust 2022) paytaxt Ankarada Hüseyn Qazi Cemevini də ziyarət edib. Ərdoğan burada Ələvi və Bektaşi dərnəklərinin nümayəndələri ilə Məhərrəm ayı iftar süfrəsində iştirak edib.