"Taxıl probleminin həlli Türkiyənin səylərinin nəticəsidir", R.T.Ərdoğan

"Dünyanı ərzaq böhranı ilə qarşı-qarşıya qoyan taxıl probleminin həlli Türkiyənin səylərinin nəticəsidir".

Bunu Prezident Rəcəb Tayyib Ərdoğan Nazirlər Şurasının iclasından sonra verdiyi açıqlamalarda deyib.

Ərdoğan dünyanı potensial ərzaq böhranından xilas edəcək addımın Türkiyənin səyləri ilə reallaşdığını bildirib və deyib:

“Taxıl böhranından çıxmaq üçün atılan addımın ölkəmizin səylərinin nəticəsi olması hər kəs tərəfindən qəbul edilir. İndi (1 avqust 2022) addım atıldı və gəmilər yola düşdü. İyulun 22-də İstanbulda bağlanan razılaşmalar Rusiya-Ukrayna bazarında həll üçün tarixi dönüş nöqtəsi oldu. Bu prosesə nəzarət edəcək Birgə Koordinasiya Mərkəzi iyulun 23-də fəaliyyətə başlayıb. Taxılla yüklənmiş gəmi Odessadan yola düşüb. Bu gəmi İstanbul Boğazına çatanda ona Rusiya, Ukrayna, Türkiyə və BMT-dən olan ekspertlər nəzarət edəcək. Biz analoji diplomatik araşdırmaları digər sahələrə, xüsusilə enerji sahəsinə də genişləndirə  bilərik".