Hulusi Akar Latviyada sәfәrdәdir

Türkiyənin milli müdafiə naziri Hulusi Akar Latviyanın paytaxtı Riqaya sәfәr edib.

Hulusi Akar üçün Bretrendə ilk mərasim keçirilib. Latviya Baş nazirinin müavini və müdafiə naziri Artis Pabriks tərəfindən ölkənin ən böyük abidə kompleksi olan “Qəhrəmanlar qəbiristanlığı”na gəlişi ilə qarşılanan H.Akar daha sonra mərasimin keçiriləcəyi əraziyə keçib.

Türkiyə milli müdafiə naziri parad qarovulunu salamlaması ilə başlayan mərasimdə hərbi orkestr tərəfindən iki ölkənin dövlət himnləri səsləndirilib. Mərasim əsgərlərin rəsmi paradından sonra başa çatıb.