Kipr Sülh Hərəkatının 48-ci ildönümü qeyd edilir
Şimali Kipr Türk Respublikasında Sülh Hərəkatının 48-ci ildönümü qeyd edir. Əlamətdar tarix münasibətilə tədbirlər Lefkoşadakı Atatürkün Abidəsinə əklil qoyularaq başlayıb.
Mərasimdə KKTC prezidenti Ersin Tatar və Türkiyənin vitse-prezidenti Fuat Oktay iştirak edib. Əvvəlcə bir dəqiqəlik sükutla yad edilib, daha sonra Şimali Kipr Türk Respublikasının dövlət himni səsləndirilib.
Şimali Kipr Türk Respublikası Prezidenti və Türkiyənin vitse-prezidenti kompleksdə açılan Xatirə kitabına ürək sözlərini yazıblar. Daha sonra prezident Ersin Tatar və Fuat Oktay çıxış edib.
Prezident Ersin Tatar çıxışında: “Vurğulamaq istərdim ki, ədalət və azadlıq uğrunda mübarizəmizi beynəlxalq aləmdə qələbəyə çatdırana qədər qətiyyətlə davam etdirəcəyik. Biz heç vaxt dövlətimizdən, müstəqilliyimizdən, suverenliyimizdən əl çəkməyəcəyik”.
Fuat Oktay da öz növbəsində: “Türkiyə qarant ölkə olaraq Kiprdə türklərin suveren hüquqlarının, azadlıqlarının və rifahının keşiyində durmağa davam edəcək, tarixi və müqavilə öhdəliklərini yerinə yetirəcək”.
Qeyd edək ki, Kıbrısda Barış Hərəkatı 1974-cü il iyulun 20-də havadan enişlə başlayıb.
Әlaqәli Xәbәrlәr
“İsraillə ticarəti tamamilə dayandırdıq”, R.T.Ərdoğan
İstanbulda mətbuat nümayəndələrinə açıqlamasında R.T.Ərdoğan deyib ...