Türkiyә Kubaya başsağlığı verib

Türkiyә dünәn Kubanın paytaxtı Havanadakı oteldә baş verәn partlayış nәticәsindә hәyatını itirәnlәr ilә әlaqәdar bu ölkәyә başsağlığı verib.                        

Xarici İşlәr Nazirliyindәn verilәn bәyanayda bu ifadәlәrә yer verilib: ‘‘Havanadakı oteldә baş verәn partlayış nәticәsindә çox sayda adamın hәlak olması ilә bağlı xәbәr bizi kәdәrlәndirib. Hәyatını itirәnlәrin ailәlәrinә, dost Kuba xalqına vә hökumәtinә başsağlığı veririk, xәsarәt alanlara şәfa dilәyirik’’.

Qeyd edәk ki, Kubanın paytaxtı Havanada baş verәn partlayış nәticәsindә 22 nәfәr hәyatını itirib, 14-ü uşaq olmaqla 70 nәfәr dә yaralanıb.

Yeni növ koronavirus epidemiyası sәbәbindәn iki ildir bağlı olan otelin 1880-ci ildә inşa edildiyi bildirilib.