Türkiyənin terrorla mübarizəsi davam edir

Suriyada "Sülh çeşməsi" əməliyyatı bölgəsində separatçı terror təşkilatı PKK/YPG üzvü 3 terrorçu zərərsizləşdirilib.

Türkiyənin Milli Müdafiə Nazirliyinin sosial media hesabından edilən paylaşımda "Terrora və terrorçulara yol yoxdur! Sülh və təhlükəsizlik mühitini pozmaq məqsədilə "Sülh çeşməsi" əməliyyatı bölgəsinə soxularaq, atəş açan 3 PKK/YPG terrorçusu qəhrəman komandolarımız tərəfindən zərərsizləşdirilib", - deyə məlumatda bildirilir.

Türkiyə Silahlı Qüvvələri 2019-cu ildə Suriyanın şimalında həyata keçirdiyi “Sülh çeşməsi” əməliyyatı ilə bölgəni terror ünsürlərindən təmizləyib.

Digər tərəfdən, Osmaniyenin Amanos dağlarında PKK-ya qarşı əməliyyatda aşkarlanan sığınacaqda 50 kiloqram partlayıcı ələ keçirilib.