İbrahim Kalın: ‘‘Aİ sammitindә konkret addımların atılmasını gözlәyirik’’

Türkiyә Prezident Aparatının sözçüsü İbrahim Kalın iyun ayında keçirilәcәk Avropa İttifaqı sammitindә Türkiyәnin gözlәntilәri mәsәlәsindә konkret addımların atılmasını gözlәdiklәrini söylәyib.

Almaniyada sәfәrdә olan İbrahim Kalın tәrәfmüqabillәri ilә  keçirdiyi görüşlәrdәn sonra Türkiyәnin bu ölkәdәki sәfirliyindә bәyanatlar verib.

İyun ayının sonunda keçirilәcәk Avropa İttifaqı sammitinin әhәmiyyәt kәsb etdiyini vurğulayan İbrahim Kalın deyib: ‘‘Sammitdә Türkiyәnin gözlәntilәri mәsәlәsindә konkret addımların atılmasını gözlәyirik’’.

Xüsusilә Avropa İttifaqı ilә Gömrük Birliyi vә Köç müqavilәsinin yenilәnmәsi mәsәlәsindә atılacaq addımların bәlli olduğunu ifadә edәn İbrahim Kalın bildirib ki, bunu daha әvvәl müzakirә etdik. Hәm Almaniya, hәm dә Aİ rәsmilәri ilә. Aİ rәsmilәri Türkiyәyә sәfәr etdiklәrindә prezidentimizlә bu mövzuları müzakirә etdilәr. Bu mövzu ilә bağlı komissiya vә şuranın addım atması üçün gözlәntimizi yenidәn ifadә edәcәyik.

İbrahim Kalın hәmçinin Türkiyә prezidenti Rәcәb Tayyib Әrdoğan vә Almaniya kansleri Angela Merkelin iyunun 14-dә baş tutacaq NATO sammiti çәrçivәsindә görüşәcәyini dә açıqlayıb.

İbrahim Kalın Berlindә turizm sahәsi ilә bağlı çox sәmәrәli görüşlәr keçirdiklәrini deyib.

Qeyd edәk ki, İbrahim Kalın vә Türkiyәnin mәdәniyyәt vә turizm naziri Mehmet Nuri Ersoy Almaniyada  turizm mәsәlәsi ilә bağlı görüşlәr keçirib.