Rәcәb Tayyib Әrdoğan İqlim Sammitinә qatılacaq
Türkiyә prezidenti Rәcәb Tayyib Әrdoğan bu gün onlayn qaydada keçirilәcәk İqlim Sammitinә qatılacaq.
![Rәcәb Tayyib Әrdoğan İqlim Sammitinә qatılacaq](http://cdn.trt.net.tr/images/xlarge/rectangle/a5d2/f7de/fb2c/60808b6279ef3.jpg?time=1719060531)
Türkiyә prezidenti Rәcәb Tayyib Әrdoğan bu gün onlayn qaydada keçirilәcәk İqlim Sammitinә qatılacaq.
Mәlumata görә, İqlim Sammiti Amerika Birlәşmiş Ştatlarının prezidenti Co Baydenin ev sahibliyindә keçirilәcәk.
Amerika Birlәşmiş Ştatları Dövlәt Departamentindәn verilәn bәyanatda İqlim Sammitinin qarşıdakı 10 il әrzindә karbon emissiyalarının azaldılması, iqlim fəaliyyətinin iqtisadi faydaları, yenidәn emal texnologiyaları və qlobal iqlim dәyişikliyi üçün çalışan qeyri-dövlət aktyorlarının tanıdılması məsələlərinin müzakirə ediləcəyi bildirilib.
Bәyanatda hәmçinin deyilir: ‘‘Sammitin əsas məqsədi böyük iqtisadiyyatları, xüsusən də dünya iqtisadiyyatı emissiyalarının və ümumi daxili məhsulun 80 faizinә sahib ölkәlәr ilә İqlim və Enerji Forumunun üzvlərini illik istiliyin azaldılması hədəfinə çatmağa təşviq etməkdir’’.
Qeyd edәk ki, Amerika Birlәşmiş Ştatları prezidenti Co Bayden martın 26-da aralarında Türkiyә Prezidenti Rәcәb Tayyib Әrdoğan, Çin dövlәt başçısı Si Cinpinq, Fransa prezidenti Emmanuel Makron, Almaniya kansleri Angela Merkel, Rusiya prezidenti Vladimir Putin vә katoliklәrin ruhani lideri Papa Fransiskin dә olduğu 40 ölkәnin liderini 22-23 aprel tarixlәri arasında onlayn qaydada keçirilәcәk İqlim Sammitinә dәvәt etmişdi.
Türkiyә prezidenti Rәcәb Tayyib Әrdoğanın sammitin ilk sessiyasında çıxış edәcәyi bildirilib.
Amerika Birlәşmiş Ştatları prezidenti Co Bayden vә vitse-prezident Kamala Xaris sammitdә açılış nitqi ilә çıxış edәcәklәr.
Әlaqәli Xәbәrlәr
![“Pəncə-Kilid” əməliyyatı bölgəsində Türkiyə əsgəri şəhid oldu](http://cdn.trt.net.tr/images/medium/rectangle/d70c/b012/6827/6675746308657.jpg?time=1719060531)
“Pəncə-Kilid” əməliyyatı bölgəsində Türkiyə əsgəri şəhid oldu
Türkiyə Milli Müdafiə Nazirliyindən verilən açıqlamada bildirilib ...
![“Bozdoğan-44” əməliyyatında 4 “narıncı” və “boz” zərərsizləşdirildi](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719060531)
“Bozdoğan-44” əməliyyatında 4 “narıncı” və “boz” zərərsizləşdirildi
Türkiyənin Daxili işlər naziri Əli Yerlikayanın sosial media hesabından verdiyi açıqlamaya görə ...