SİHA-dan MAM-L mərmisi ilə bu günə qədərki ən uzun mənzilli atəş açıldı

  Türkiyənin Egey və Şərqi Aralıq dənizlərində reallaşdırdığı “Mavi Vətən 2021” hərbi təlimlərində Silahlı Pilotsusz Uçan Aparatlardan (SİHA) MAM-L mərmisi ilə bu günə qədərki ən uzun mənzilli atəş açılıb.

  Yerli və milli silah sistemləri və yerləşdiyi gəmilərin sınaqdan keçirilməsi, Türkiyə Silahlı Qüvvələrinin hərəkata hazırlıq səviyyəsinin yoxlanılması və qüvvələr arasında müştərək çalışma anlayışının artırılması məqsədiylə reallaşdırılan “Mavi Vətən 2021” manevri ilə əlaqədar Türkiyənin Milli Müdafiə Nazirliyi məlumat paylaşıb.

  Məlumatda bildirilir: “Mavi Vətən 2021” hərbi təlimlərində SİHA-dan MAM-L mərmisi ilə bu günə qədərki ən uzun mənzilli atəş açılıb. Dəniz Donanmasının inventarındakı TB-2 SİHA-dan milli imkanlarla inkişaf etdirilən, lazer idarə olunan MAM-L mərmisi ilə Şərqi Aralıq dənizindəki suüstü hədəf tam nişan alınaraq vurulub".