Hulusi Akar: "Türkiyə yeni "Navtex" elan etdi"

Türkiyə 1-2 sentyabrda Aralıq dənizinin şərqində atışlı-taktiki təlim keçiriləcəyini yeni "Navtex" (dənizçilərə elan) ilə açıqladı.
"Anadolu" xəbər agentliyi Redaksiya Masası iclasında yeni "Navtex" haqqında  açıqlama verən Milli Müdafiə naziri Hulusi Akar "İskenderun bölgəsində Hərbi Donanmanın atış təlimləri ilə əlaqədar "Navtex" elan olundu" deyib.
Nazir Akar Şərqi Aralıq dənizində baş verən hadisələrlə əlaqədar olaraq Türkiyənin heç kimin torpağında, dənizində gözü olmadığını bildirərək, "Ancaq heç bir şərtdə qonşularımızın ərazilərindən, dənizlərindən bizə qarşı bir hücuma da icazə verməyəcəyimizi, buna göz yummayacağımızı hər kəsin bilməsini istəyirik" deyib.
Akar Fransanın mövzu ilə əlaqədar açıqlamalarına da toxunaraq bildirib ki, qoçuluq dövrü bitdi, belə hərəkətlə bəzi addımların atılması üçün təzyiq etmək şansımız yoxdur. Öz sərhədlərimizdə qalmaq şərtilə hüquqlarımızı, haqlarımızı istəyirik. Biz danışmağın tərəfdarıyıq. Gəlin danışaq. Dialoq tərəfdarıyıq, sülh və əmin-amanlıq istəyirik, eyni zamanda hüquqlarımızı və qanunlarımızı istəyirik. Yunan həmkarlarımız yaxın günlərdə qərar verərsə, onları burada qəbul etməkdən məmnun olarıq" deyə Akar deyib.
Milli Müdafiə naziri Akar "Oruç Reis" araşdırma gəmisi ilə əlaqədar olaraq "Biz qazma və tədqiqat işləri aparırıq. Hüquqlarımız, mənfəətlərimiz və maraqlarımız çərçivəsində dinc bir şəkildə və üsullarla bizə aid olan sahədə fəaliyyətlərimiz davam edir. İqtisadi fəaliyyətləri başqa yollara istiqamətləndirməyi səhv hesab edirik. Gəmilərimiz onları işin təhlükəsizliyi üçün qoruyur. Bunun xaricində buna başqa məna vermək düzgün deyil" ifadələrini işlədib.
Hulusi Akar "Türkiyə Cümhuriyyətinin beynəlxalq mühitdə həqiqətən bir mübtəda halına gəldiyini hər kəs bilməlidir. Terrorla mübarizənin təhqiramiz bir yanaşma ilə davam etdirildiyini və bu günə qədər "Pəncə" əməliyyatlarında 320 terrorçu zərərsizləşdirildi. Biz nəcib millətimizi terror bəlasından xilas edəcəyik. Sərhədlərimizin və xalqımızın təhlükəsizliyini təmin edəcəyik. Bu, məqsədimizdir" deyib.

Akar 24 iyul 2015-ci ildən bəri 17 min 200 terrorçunun zərərsizləşdirildiyini də açıqlayıb.
Hulusi Akar Suriyanın İdlib şəhərində Türkiyə-Rusiya birgə patrulları barədə "Bu günə qədər M4 şosse yolunda 26-cı patrulu başa çatdırdıq. Patrul xidmətləri davam edəcək, əməkdaşlığımız davam edir" deyib.
Nazir Akar İdlibdə "Atəşkəs rejimini pozmaq səylərini məhv etmək üçün Rusiya ilə daim təmasdayıq. Oradakı sabitliyi qorumaq üçün çalışırıq" deyə vurğulayıb.