Mövlud Çavuşoğlu Venesuelaya rәsmi sәfәr edib

Venesuelaya rәsmi sәfәr edәn Türkiyәnin xarici işlәr naziri Mövlud Çavuşoğlu hәmkarı Xorxe Arreza ilә görüşüb. Mәlumata görә, görüşdә ticarәt, turizm, iki ölkә arasındakı әmәkdaşlıq vә tәhsil başda olmaqla bir çox mәsәlә müzakirә edilib.

Görüşdәn sonra keçirilәn birgә mәtbuat konfransında çıxış edәn Mövlud Çavuşoğlu deyib: ‘‘Epidemiyadan sonra әmәkdaşlığımız daha da әhәmiyyәt qazanıb. Keçәn il president Rәcәb Tayyib Әrdoğanın göstәrişi ilә iki türkiyәli hәkim Venesuelaya gedib vә venesuelalı tәrәfmüqabillәri vә hәmkarlarıyla ölkәnin sәhiyyә sektoruna dair yol xәritәsini hazırlayıb’’.

Sәfәr çәrçivәsindә venesuelalı hәmkarı ilә sәmәrәli görüş keçirdiklәrini deyәn Mövlud Çavuşoğlu qeyd edib ki, görüşdә ticarәt, turizm, iki ölkә arasındakı әmәkdaşlıq  vә tәhsil başda olmaqla bir çox mәsәlәni müzakirә etdik.

Türkiyәdәki özәl sektorun Venesuelaya investisiya yatırmaq istәdiyini söylәyәn Çavuşoğlu görüşdә bu mövzunun da gündәmә gәldiyini deyib.

Çavuşoğlu koronavirus epidemiyasına baxmayaraq iki ölkә arasındakı ticarәt hәcminin keçәn ilin eyni dövrü ilә müqayisәdә üç dәfә artdığını vurğulayıb.

Türkiyәnin xarici işlәr naziri Türk Hava Yollarının Karakas uçuslarını bәrpa etmәk istәdiyini dә dilә gәtirib.

Prezident Rәcәb Tayyib Әrdoğanın Venesuela dövlәt başçısı Nikolas Maduronu Türkiyәyә dәvәt etdiyini vә bunu Nikolas  Maduro ilә keçirәcәyi görüşdә ona çatdıracağını söylәyәn Mövlud Çavuşoğlu özünün dә venesuelalı hәmkarını Türkiyәdә görmәkdәn mәmnun olacağını bildirib.

Qeyd edәk ki, Çavuşoğlu vә Arreaza iki ölkә arasında әmәkdaşlığa dair dörd müqavilә izalayıblar.

Nazirlәr Türk Әmәkdaşlıq vә Koordinasiya Agentliyi tәrәfindәn bәrpa edilәn Macuto Ana Teresa de Jesus Ponce Anne vә Pediatriya Xәstәxanasının videokonfrans formatında keçirilәn açılış mәrasimindә dә iştirak ediblәr.