Ayasofyanın yenidən ibadətə açılması münasibətilə xüsusi xatirə pulu
Türkiyə Xəzinə və Maliyyə Nazirliyinə bağlı zərbxanadan verilən məlumata görə
Ayasofya məscidinin yenidən ibadətə açılması münasibətilə xüsusi xatirə pulu basıldı.
Türkiyə Xəzinə və Maliyyə Nazirliyinə bağlı zərbxanadan verilən məlumata görə, tədavülə buraxılan 1 liralıq qəpiklərin arxa üzünə Ayasofya məscidinin (Ayasofya-i Kebir Cami-i Şerifi) şəkli basılıb və 24 iyuldan dövriyyəyə buraxılıb.
Ən çox 5 min dənə gümüş və 10 min dənə bürünc Ayasofya xatirə pulu basılıb.
Gümüş xatirə pullarını 185 TL, bürünc xatirə pullarnı isə 55 TL qarşılığında sertifikatları ilə birlikdə İstanbulun Beşiktaş rayonunda zərbxana idarəsindəki (Darphane ve Damga Matbaası Genel Müdürlüğü) mağaza və internet üzərindən qurumun e-mağazasından almaq mümkündür.
Türkiyənin xəzinə və maliyyə naziri Berat Albayrak “twitter”dən etdiyi paylaşmada yazıb: "Zərbxanamız tərəfindən basılan #AyasofyaCamii xüsusi pulumuzla tarixə daha bir xatirə buraxırıq".
Әlaqәli Xәbәrlәr
Terrora qarşı mübarizə qətiyyətlə davam edir
Terrorla mübarizə həm ölkə daxilində, həm də sərhəddən kənarda qətiyyətlə davam edir.