Şırnakın Habur sərhəd qapısında daha iki terrorçu təslim oldu

  Türkiyə Daxili İşlər Nazirliyi, Təhlükəsizlik Baş İdarəsi və Jandarma Komandanlığının birgə səyi ilə Şırnak rayonunun Habur sərhəd qapısında daha 2 terrorçu təslim olub.

  Türkiyə Daxili İşlər Nazirliyindən verilən məlumatda bildirilir: “İki il əvvəl PKK-ya qatıldıqları təsbit edilən bu iki təşkilat üzvü son olaraq İraqda fəaliyyət göstərib. Bu il yalnız razısalma yoluyla təslim olan terrorçu sayı 84-ə çatıb. Uğurlu səylər sayəsində terror təşkilatı üzvlərinin razısalma yoluyla təslim olması fəaliyyətini sürətləndiririk.”