"Ölkə xaricində qalan Türkiyə vətəndaşları yaxın zamanda gətiriləcək", M.Çavuşoğlu

Xarici işlər naziri Mövlud Çavuşoğlu yeni növ koronavirus (Covid-19) səbəbiylə ölkə xaricində qalan türklərin yaxın zamanda ölkəyə gətiriləcəyini bildirib.
Çavuşoğlu özünün "twitter" səhifəsində ölkə xaricində qalan Türkiyə vətəndaşlarının ölkəyə gətirilməsi ilə bağlı bildirib:
"Bu günə qədər müvəqqəti müddət üçün ölkə xaricində olan və qayıtmaq istəyən 25 min vətəndaş 70 ölkədən Türkiyəyə gətirilərək karantinə alındı. Prezidentimizin göstərişləri ilə müvəqqəti olaraq xaricdə yaşayan vətəndaşlarımızı karantin şərtlərini hazırlayaraq, yaxın zamanda ölkəmizə gətirəcəyimizə ümid edirəm".