Fǝxrǝddin Altun: ‘‘Qaçqınlara bibǝr qazı ilǝ müdaxilǝ edǝn bir ölkǝ ǝxlaqdan danışa bilmǝz’’

Türkiyǝ Prezident Aparatının İctimaiyyǝtlǝ Әlaqǝlǝr İdarǝsinin rǝhbǝri Fǝxrǝddin Altun Yunanıstanın qaçqınlara zorakılıq tǝtbiq etdiyini  vǝ sonra suçu  Türkiyǝyǝ atdığını deyib.

Bu barǝdǝ Fǝxrǝddin Altun şǝxsi ‘‘Twitter’’  sǝhifǝsindǝ yazıb.

‘‘Müvəqqəti qorunma statusunu dayandıran və qaçqınlara bibǝr qazı ilǝ müdaxilǝ edǝn bir ölkǝ ǝxlaqdan danışa bilmǝz. Avropa ittifaqı  Avropanın qaçqın işğalına mǝruz qalmaması üçün Yunanıstana kömǝk etmǝyǝ çalışır’’,-deyǝ Fǝxrǝddin Altun vurğulayıb.

Fǝxrǝddin Altun  bildirib ki, Avropa vǝ beynǝlxalq ictimaiyyǝt Suriyadakı humanitar böhranın qarşısını almaq üçün hǝrǝkǝtǝ keçmǝlidir. Altun hǝmçinin hücumlarını davam etdirǝn rejim qüvvǝlǝrinin dayandırılmasının da vacibliyini vurğulayıb.

Fǝxrǝddin Altun  qeyd edib ki, beynəlxalq ictimaiyyǝt  təşəbbüslərini  Yunanıstana deyil, Suriyaya yönəltməlidir.