Donald Tramp  Rәcәb Tayyib Әrdoğana başsağlığı verib

Amerika Birlәşmiş Ştatları prezidenti Donald Tramp Elazığda baş verәn zәlzәlә nәticәsindә hәlak olanlar ilә әlaqәdar Türkiyә prezidenti Rәcәb Tayyib Әrdoğana başsağlığı verib.

Prezident Aparatının mәtbuat xidmәtindәn verilәn mәlumata görә, Türkiyә prezidenti Rәcәb Tayyib Әrdoğan vә Amerika Birlәşmiş Ştatları prezidenti Donald Tramp arasında telefon danışığı olub. Söhbәt zamanı Donald Trampın Elazığda baş verәn zәlzәlә nәticәsindә hәlak olanlar ilә әlaqәdar Rәcәb Tayyib Әrdoğana başsağlığı verdiyi vә Türkiyәnin yanında olduğunu ifadә etdiyi bildirilib.

Görüşdә hәmçinin ikitәrәfli münasibәtlәr, İdlib vә Liviya mәsәlәlәri başda olmaqla regional mövzular әtrafında fikir mübadilәsi aparılıb.

Qeyd edәk ki, Ağ Ev sözçüsünün müavini Cudd Deere dә Rәcәb Tayyib Әrdoğan vә Donald Tramp arasında baş tutan görüşlә bağlı açıqlama verib.

‘‘Liderlәr Liviyada xarici müdaxilәlәrin qarşısının alınması vә atәşkәs rejiminin davam etdirilmәsinin vacibliyini vurğulayıblar. Liderlәr hәmçinin İdlibdә davam edәn şiddәt olaylarının dayandırılmasının әhәmiyyәtini dә qeyd ediblәr’’,-deyә Cudd Deere bildirib.