Prezident Rəcəb Tayyib Ərdoğan Malayziyada görüşlər keçirir

Prezident Rəcəb Tayyib Ərdoğan Malayziya Kralı Sultan Abdullah Riayatuddin Musdafa Billah Şah tərəfindən dövlət və hökumət başçıları ilə Kuala Lumpurda keçirilən zirvə yığıncağında iştirak edən qonaqların şərəfinə verilən ziyafətə qatılıb.

Zirvə yığıncağının keçirildiyi Kuala Lumpur Konfrans Mərkəzində verilən qonaqlıq mətbuata qapalı olub. Ərdoğana ziyafətdə həyat yoldaşı Əminə Ərdoğan da müşayiət edib.

Prezident Ərdoğan qonaqlıqdan əvvəl Malayziya Kralı Abdullah, İran prezidenti Həsən Ruhani və Malayziyanın baş naziri Mahathir Məhəmməd ilə Kuala Lumpur Zirvə yığıncağının sərgi salonunu gəzib.