İbrahim Kalın әhәmiyyәtli bәyanatlar verib
Türkiyә Prezident Aparatının sözçüsü İbrahim Kalın qarşıdakı hәftә İngiltәrәnin paytaxtı Londonda keçirilәcәk NOTO-nun liderlәr sәviyyәsindәki zirvә görüşündә prezident Rәcәb Tayyib Әrdoğanın әhәmiyyәtli bәyanatlar verәcәyini deyib.
Türkiyә Prezident Aparatının sözçüsü İbrahim Kalın qarşıdakı hәftә İngiltәrәnin paytaxtı Londonda keçirilәcәk NOTO-nun liderlәr sәviyyәsindәki zirvә görüşündә prezident Rәcәb Tayyib Әrdoğanın әhәmiyyәtli bәyanatlar verәcәyini deyib.
İbrahim Kalın Almaniyanın paytaxtı Berlindә türkiyәli jurnalistlәrә qarşıdakı hәftә keçirilәcәk NATO-nun liderlәr sәviyyәsindәki zirvә görüşü, Suriyadakı son proseslәr, Avropa ittifaqı ilә münasibәtlәr, Kipr mәsәlәsi vә Liviya mәsәlәsindәki beynәlxalq sәylәr ilә әlaqәdar әhәmiyyәtli bәyanatlar verib.
NATO-nun liderlәr sәviyyәsindәki zirvә görüşünün çox əhəmiyyətli olduğunu ifadə edən İbrahim Kalın deyib: ‘‘Prezidentimiz keçirilәcәk zirvә görüşündә әhәmiyyәtli bәyanatlar verәcәk. Xüsusilә NATO-nun 21-ci әsrdәki mövqeyi, prioritetlәri vә üzәrinә düşәn öhdәliyi kimi mövzulara diqqәt yetirilәcәk’’.
İbrahim Kalın Avropanın tәhlükәsiz bölgә vә köç mәsәlәlәrini yaxından tәqib etdiyini vurğulayıb.
İbrahim Klın bildirib ki, sәrhәdimiz terror tәşkilatlarından tәmizlәndikdәn vә xüsusilә ‘‘Sülh çeşmәsi’’ әmәliyyatından sonra bәzi Qәrb ölkәlәrinin reaksiya verdiyini gördük. Burada kürdlәrә vә etnik qruplara qarşı deyil, terror tәşkilatlarına qarşı mübarizә apardığımızı tәrәfmüqabillәrimizә ifadә etdik vә ifadә etmәyә davam edәcәyik.
İbrahim Kalın Suriyadakı siyasi prosesin irəliləməsinin böyük əhəmiyyət daşıdığını və Konstitusiya Komitəsi yaradıldıqdan sonra səylərin daha çox əhəmiyyət qazandığını vurğulayıb.
"Birləşmiş Millətlər Təşkilatının Təhlükəsizlik Şurasının 2254 nömrәli qətnaməsi çərçivəsində Konstitusiya Komitəsi ilә bağlı aparılan fәaliyyәtlәrdәn sonra Suriyadakı siyasi prosesin irəliləməsi üçün seçkilərin keçirilmәsi nəzərdə tutulur. Astana vә Cenevrәdә keçirilәn iclasların bu prosesә töhfә vermәsi üçün fәaliyyәtlәrimizi davam etdiririk’’,-deyә Türkiyә Prezident Aparatının sözçüsü vurğulayıb.
Digər tərəfdən İbrahim Kalın terror təşkilatlarının hücumlarını davam etdirdiyini vurğulayaraq qeyd edib ki, YPQ terror tәşkilatı Kamışlıda, Tel Abyadda, Rәsulaynda vә digәr bölgәlәrdә hәm tәhlükәsizlik qüvvәlәrimizә, hәm dә mülki vәtәndaşlara qarşı hücumlarını davam etdirir. Buna qarşı mübarizәmizi qәtiyyәtlә davam etdirәcәyik.
Türkiyә ilә Avropa İttifaqı arasındakı münasibәtlәrә dә toxunan İbrahim Kalın deyib: ‘‘Avropa İttifaqına tam hüquqqlu üzvlük xaricindәki alternativ yolları qәbul etmәmiz mümkün deyil. İmtiyazlı tәrәfdaşlıq mәsәlәsi dә gündәmә gәlmişdi, ancaq biz bunu qәbul etmәmişdik’’.
İbrahim Kalın Türkiyә ilә Avropa İttifaqın arasındakı әlaqәlәrin hәm iqtisadi әlaqәlәr, hәm iqtisadi maraqlara әsaslanan әlaqәlәr olduğunu deyib vә bunun tәhlükәsizlik baxımından әhәmiyyәtli olduğunu bildirib.
İbrahim Kalın həm NATO-ya üzv ölkələrin, həm də Aİ-na üzv dövlәtlәrin Türkiyənin milli təhlükəsizlik qayğıları mövzusuna daha həssas yanaşmalarının әhәmiyyәtini vurğulayıb.
Şimali Kipr Türk Cümhuriyyətindəki Türklər dә Türkiyә Prezident Aparatının sözçüsünün gündəmində olub. Yunan tәrәfinin mövqeyinә toxunan İbrahim Kalın bildirib ki, Yunan tərəfi qeyri-konstruktiv mövqeyini davam etdirir.
Almaniyanın paytaxtı Berlində keçirilmәsi nәzәrdә tutulan Liviya Konfransının hazırlıq mərhələsi üçün Berlinә 3-4 dəfə sәfәr etdiyini bildirәn İbrahim Kalın bu çәrçivәdә keçirilәn görüşlәrdә irәlilәyişin әldә olunduğunu qeyd edib.
"Biz Liviyadakı problemin siyasi yolla hәll edilmәsinin tərəfdarıyıq. Xüsusilə Hafter aprel ayından etibarәn davam etdirdiyi hücumlarını dayandırmalıdır’’,-deyә İbrahim Kalın vurğulayıb.
Almaniya kansleri Angela Merkelin yanvar ayında Türkiyəyə edəcəyi səfər zamanı hansı mövzuların gündәmә gәlәcәyi ilә bağlı bir sualı cavablandıran İbrahim Kalın deyib: "Almaniya bizim üçün әhәmiyyәtli bir ölkədir. Merkel ilə ikitərəfli münasibətlər, ticarət əlaqələri, Aİ daxilindəki problemlər, miqrasiya problemləri, regional problemlər, Suriya, NATO və bir çox mövzunu müzakirә edәcәyik’’.
Әlaqәli Xәbәrlәr
“Pəncə-Kilid” əməliyyatı bölgəsində Türkiyə əsgəri şəhid oldu
Türkiyə Milli Müdafiə Nazirliyindən verilən açıqlamada bildirilib ...
“Bozdoğan-44” əməliyyatında 4 “narıncı” və “boz” zərərsizləşdirildi
Türkiyənin Daxili işlər naziri Əli Yerlikayanın sosial media hesabından verdiyi açıqlamaya görə ...