Mövlud Çavuşoğlu Livanda sәfәrdәdir

Türkiyәnin xarici işlәr naziri Mövlud Çavuşoğlu rәsmi görüşlәr keçirmәk üçün Livana sәfәr edib.

Nazir Çavuşoğlunun rәhbәrlik etdiyi nümayәndә heyәti Livanın paytaxtı Beyrutdakı Refik Hariri beynәlxalq hava limanında Türkiyәnin Beyrutdakı sәfiri Hakan Çakıl, Livan Xarici İşlәr Nazirliyinin rәsmisi Necla Asakir vә digәr rәsmi şәxslәr tәrәfindәn qarşılanıb.

Mövlud Çavuşoğlu şәxsi ‘‘Twitter’’ sәhifәsindәn verdiyi açıqlamada deyib: ‘‘İkitәrәfli görüşlәr keçirmәk üçün Livana sәfәr etmişik’’.

Mәlumata görә, Türkiyәnin XİN rәhbәri ilk olaraq Livan prezidenti Mişel Avnla görüşüb. Çavuşoğlu daha sonra isә Livan Mәclisinin sәdri Nәbih Berri, baş nazir Saad әl-Hariri, xarici işlәr naziri Cibran Basil vә daxili işlәr naziri Raya әl-Hasanla görüşәcәk.

Türkiyәnin Xarici İşlәr Nazirliyindәn verilәn açıqlamada bildirilib ki, görüşlәrdә ikitәrәfli münasibәtlәrin  müzakirә olunması  vә regional mövzular әtrafında fikir mübadilәsinin  aparılması nәzәrdә tutulur.

Türkiyәnin xarici işlәr naziri Mövlud Çavuşoğlu Livana etdiyi sәfәr çәrçivәsindә bu ölkәdә yaşayan Türkiyә vәtәndaşları ilә dә bir araya gәlәcәk.