Türkiyə Yunanıstana reaksiya göstərdi

Türkiyə Xarici İşlər Nazirliyinin sözçüsü Hami Aksoy Yunanıstan məhkəməsinin ölkədə 2017-ci ilin noyabrında "terror təşkilatı üzvü olmaq" maddəsi ilə yaxalanan 9 nəfər barəsində bəraət hökmü çıxarmasıi ilə bağlı bəyanat verdi.

Aksoy Yunanıstanın DHKP / C, PKK və FETÖ kimi terror təşkilatları üçün etibarlı bir sığınacaq halına çevrildiyinin narahatlıqla müşahidə edildiyini bildirdi.

Sözçü sözügedən məsələ ilə əlaqədar bunları qeyd etdi:" Bu təşkilatlara Yunanıstan tərəfindən  terrorizmlə beynəlxalq mübarizə öhdəliklərinə zidd şəkildə göstərilən simpatiya, tolerantlıq və kömək qəbuledilməz bir haldır. Hörmətli prezidentimizə sui-qəsd cəhdi ilə bağlı Yunanıstan polisi tərəfindən 2017-ci ildə tutulan, barələrində Türkiyədə də yaxalanma qərarı qəbul edilən, ekstradisiyalarını  tələb etdiyimiz 9 DHKP / C üzvünə  bu gün verilən bəraət qərarı bu terror ünsürlərinin niyə Yunanıstanda yuva saldıqlarını da ortaya qoyur ".

Aksoy DHPK/C-nin Avropa İttifaqının terror təşkilatlarının siyahısında olduğunu xatırlatdaraq:"Bu səbəbdən Yunanıstan məhkəməsinin qərarı Avropadakı terrorizmlə mübarizə səylərini zəiflədir".