Ruhsar Pekcan Amerikalı hәmkarı ilә görüşüb
Türkiyәnin ticarət naziri Ruhsar Pekcan amerikalı həmkarı Vilbur Ross ilə bir araya gəldi.
Türkiyәnin ticarət naziri Ruhsar Pekcan amerikalı həmkarı Vilbur Ross ilə bir araya gəldi.
Mәlumata görә, görüş Amerika Birləşmiş Ştatlarının paytaxtı Vaşinqtonda Türkiyə-ABŞ Biznes Şurası və Amerika-Türkiyə Şurasının tәşkilatçılığı ilә keçirilәn 37-ci birgə illik konfransı çәrçivәsindә baş tutub.
Görüşdә iki ölkә arasındakı ticari məsələlər әtrafında fikir mübadiləsi aparılıb.
Görüşdə Türkiyә prezidenti Rəcəb Tayyib Ərdoğan və ABŞ prezidenti Donald Tramp arasında daha әvvәl baş tutan görüşdə qarşıya qoyulmuş hədəflәr, ticarәt hәcminin 75 milyard dollara çatdırılması, məhsulların diversifikasiyası, görülәn birgә işlәr vә atılacaq birgə addımlar müzakirə olunub.
Mətbuata qapalı keçirilən görüşdə nazir Pekcanın uzun müddətdir iki ölkənin dә ticarət gündəmində olan ABŞ-ın polad vә alüminium məhsullarına tətbiq etdiyi əlavə gömrük vergiləri dә gündәmә gәlib.
Ruhsar Pekcanın bu çәrçivәdә Türkiyә mәhsullarına tәtbiq olunan әlavә vergilәrin lәğv olunmasını tәlәb etdiyi bildirilib.
Digər tərəfdən iki ölkə arasındakı rəqəmsal iqtisadiyyat sahəsində birgə fəaliyyətlərin də gündəmə gələn məsələlər arasında yer aldığı qeyd olunub.
Görüşdə iki ölkənin Ticarət Nazirlikləri arasında sözügedən sahələrdə birgə işçi qrupunun yaradılması barədə razılıq әldә olunub.