Nusaybin qəsəbəsində üç terrorçu təhlükəsizlik qüvvələrinə təslim oldu

Türkiyənin Mardin vilayətinin Nusaybin qəsəbəsində üç terrorçu təhlükəsizlik qüvvələrinə təslim oldu.

Mardin valiliyinin açıqlamasına əsasən, Nusaybində 20-21 apreldə terror təşkilatı PYD/PKK mənsubu üç terrorçu Suriya sərhədindəki təhlükəsizlik qüvvələrinə silahsız təslim oldu.

Terror təşkilatı mənsublarının Vilayət Jandarm Komandirliyi dəstələri tərəfindən nəzarət altına alındığı bildirilən açıqlamada bölgə xalqının dəstəyilə dinclik və təhlükəsizliyin təmin edilməsi məqsədilə  terrorla mübarizə çərçivəsində aparılan əməliyyatlara qətiyyətlə davam ediləcəyi vurğulanıb.