Heç kim vətənimizi parçalaya biləcəyini zənn etməsin

 Türkiyə prezidenti və Ədalət və İnkişaf Partiyasının sədri Rəcəb Tayyib Ərdoğan partiyasının 6-cı fövqəladə Qars Qurultayından əvvəl vətəndaşlara müraciət etdi.

  Ərdoğan çıxışında terrorla mübarizədən danışaraq: "Heç kim  vətənimizi parçalaya biləcəyini zənn etməsin. Buna cəhd edənlər unutmasənlar ki, Cudidə, Tendürəkdə, Qəndildə onlara (PKK terrorçularına) F16-larla bombalar yağdırdıq, onları yerlə yeksan etdik. Bundan sonra da etməyə davam edəcəyik" dedi.

Türkiyə prezidenti bir həftə ərzində 100 PKK terrorçusunun zərərsizləşdirildiyini bildirərək:" Əgər bu ölkəni parçalamağa cəhd etməyə davam edərlərsə, bu 100-lər 200, 300,1000 olacaq. Mənim millətimin dinc həyatına, rifahına heç kim qəsd etməyə cəhd göstərməsin. Biz millətimizin birliyi , ölkənin əmin-amanlığı üçün varıq" deyə bildirdi.