Makron Rusiya və Türkiyə ilə dialoqa çağırdı

Fransa prezidenti Emmanuel Macron Avropa Şurasının baş katibi Thorbjorn Jagland ilə görüşdü.

Daha sonra Avropa İnsan Haqları Məhkəməsinin rəhbəri Guido Raimonditərəfindən qarşılanan Macron Avropa Şurasının üzvü olan 47 ölkənin hakimlərinin qarşısında çıxış etdi.

Macron çıxışında Avropada terrorizmin dövlətləri olduğu qədər ölkələri və Avropa cəmiyyətlərini də hədəf aldığına diqqət çəkərək:"Biz bizi biz edən dəyərlər səbəbindən hücuma məruz qaldıq. Fransa illərdir hucuma məruz qalır. Bu hücumlar yalnız vətəndaşlarımızı öldürmədi. Bizim mənəvi birliyimizi də hədəf aldı. Terrorçular bizim əhəmiyyətli bir hissəmiz olan prinsiplərimizdən vaz keçməyimizi istəyirlər. Azadlığı müdafiə etmək haq deyil, vəzifədir"dedi.

Fransa prezidenti Fransada sığınmaçı və qaçqınların vəziyyəti ilə əlaqədar tənqidi fikirlər söyləyərək: "Sığınmaçılara qarşı pis davranırıq. Çox zaman onlara bir sığınacaq belə verə bilmirik" deyə etiraf etdi.

Makron Türkiyə və Rusiya haqqında:"Bu iki böyük ölkə Avropaya bağlıdır. Tarixləri, coğrafiyaları, ədəbiyyatları və siyasi şüurları bəşəri hüquqlara və Avropa ailəsinə aiddir. Bu iki ölkə ilə dialoqa girməliyik. Bu ölkələrin vətəndaşları, rəhbərlərinin prioritetlərindən asılı olmayaraq bizim onlar üçün mübarizə aparmağımızı haqq edirlər"dedi