Türkiyә Sәudiyyә Әrәbistanında törәdilәn terror aktlarını qınadı

Türkiyə  Səudiyyə Ərəbistanının Katif vilayətində törədilən terror aktlarını  qinayıb.

Xarici İşlər Nazirliyindən mövzu ilə bağlı verilən açıqlamada: ‘‘Səudiyyə Ərəbistanının Katif şəhərində son günlərdə həyata keçirilən terror aktlarını pisləyirik’’ deyə bildirilib.

‘‘Törədilən terror aktları nəticəsində həyatını itirən təhlükəsizlik əməkdaşlarına Allahdan rəhmət, yaralılara şəfa diləyirik. Həyatını itirənlərin ailələrinə,  qardaş Səudiyyə Ərəbistanı xalqına və Səudiyyə Ərəbistanı hökumətinə başsağlığı veririk",-deyə açıqlamada qeyd olunub.

Qeyd edək ki, Səudiyyə Ərəbistanının Katif vilayətində  iki həftədə  5 dəfə  terror aktı törədilib.