“… Çünki 2023 Türkiyənin dönüş nöqtəsi olacaq”, R.T.Ərdoğan
Türkiyənin dövlət başçısı Rəcəb Tayyib Ərdoğan yüksək faizin bir istismar olduğunu söyləyib.
Ankarada Türkiyə Odalar və Borsalar Birliyinin (TOBB) 73-cü Ümumi Toplantısında danışan Ərdoğan faizlərin aşağı salınması məsələsini həmişə gündəmdə tutduqlarını bildirib.
İşə götürənlərin məşğulluq çağırışına müsbət cavab verdiklərini qiymətləndirən dövlət başçısı çalışanların sayının 1 milyon 170 minə çatdığını söyləyib.
Ərdoğan iş adamlarına yerli avtomobil istehsalına yönəlməyi təklif edib.
Lider söyləyib: "2023-cü ilə qədər hazır olacaq işlər görürük. İlin sonuna qədər bütün nazirlərimizə “yol xəritənizi 6 aylıq hazırlayıb gətirin” deyəcəyəm. Və bu 6 aylıq yol xəritəsi ilə birlikdə biz 2019-cu ilin hazırlıqlarına başlayacağıq. Çünki 2023 Türkiyənin dönüş nöqtəsi olacaq. 100-cü il Türkiyədə sıçramanın isbat edildiyi bir keçid mərhələsi olacaq. Bununçün hazırlıqlarımızı qətiyyətlə görməliyik."
