Çavuşoğlu və Tillerson birgə mətbuat konfransı keçirdilər

Türkiyənin xarici işlər naziri Mövlud Çavuşoğlu və ABŞ dövlət katibi Rex Tillerson görüşdülər.
Görüşdən sonra birgə mətbuat konfransı keçirildi.
 
 Çavuşoğlu mətbuat konfransında:"Əlaqələrimizə yeni bir enerji qatmalıyıq. ABŞ rəhbərliyi YPG ilə PKK-nın bir fərqinin olmadığını qəbul edir. PKK terror siyahısındadır. Amma təəssüf ki, keçmiş dövrdə Suriyada YPG ilə əməkdaşlığı gördük və keçmiş rəhbərliyin YPG-yə dəstək verdiyini də gördük" ifadələrini istifadə etdi.
 
 Çavuşoğlu, eyni zamanda, Fətullahçı Terror Təşkilatı Paralel Dövlət İdarəçiliyinin (FETÖ/PDY) başçısı Fətullah Gülənin ekstradisiyasına dair sənədləri ABŞ-a göndərdiklərini və bu məsələ ilə bağlı konkret addımların atılmasını gözlədiklərini bildirdi.
 
 Çavuşoğludan sonra söz alan Tillerson görüşdə üç əsas mövzu- terror təşkilatı DEAŞ, iqtisadi münasibətlər və bölgədəki sabitlik məsələləri ətrafında danışdıqlarını qeyd etdi. 
 
 Türkiyənin terror təşkilatı DEAŞ-a qarşı mübarizədə əhəmiyyətli bir müttəfiq olduğunu ifadə edən Tillerson Trump rəhbərliyinin Türkiyə ilə münasibətləri inkişaf etdirməyə davam edəcəyini söylədi.