Rəcəb Tayyib Ərdoğanın ümrə ziyarəti yekunlaşdı

Türkiyə prezidenti Rəcəb Tayyib Ərdoğan rəsmi görüşlər keçirmək üçün getdiyi Səudiyyə Ərəbistanında Kəbəni ziyarət etdi.
 
 Ərdoğan Mədinədə Həzrəti Məhəmmədin məzarının olduğu Məscid-i Nəbəvini ziyarət etdikdən sonra Ciddə Kral Əbdüləziz Beynəlxalq Hava Limanına getdi.
 
 Ümrə ibadəti üçün avtomobil yoluyla Məkkəyə gedən Ərdoğan gecə saatlarında Məscidül Haramı ziyarət etdi.
 
 Prezident Ərdoğanın həyat yoldaşı Əminə Ərdoğan, Türkiyə Silahlı Qüvvələrinin Baş Qərargah rəisi general Hulusi Akar, İqtisadiyyat naziri Nihat Zeybəkci, Enerji və Təbii Qaynaqlar naziri Berat Albayrak ilə Milli Təhlükəsizlik Təşkilatının rəhbəri Hakan Fidan da Ərdoğanla birlikdə ümrə ziyarətini həyata keçirdilər.

Ümrə ziyarətini yekunlaşdıran Ərdoğan Səudiyyə Ərəbistanı Kralının Qonaq Evinə getdi.