‘‘Tәәssüf ki, Hələbdə ölən təkcə Hələbli qardaşlarımız deyil bütün bəşəriyyətdir''
Bunu baş nazirin müavini Numan Kurtulmuş deyib.
![‘‘Tәәssüf ki, Hələbdə ölən təkcə Hələbli qardaşlarımız deyil bütün bəşəriyyətdir''](http://cdn.trt.net.tr/images/xlarge/rectangle/e4af/e0ad/257f/585225dc4c74b.jpg?time=1719342902)
Baş nazirin müavini Numan Kurtulmuş Əl-Cəzirə televiziya kanalına müsahibә verib.
Numan Kurtulmuş müsahibә zamanı Hələbdəki insanlıq dramına dair sualları cavablandırıb.
Suriya rejiminә sadiq qüvvələr başda olmaqla bölgədəki bəzi silahlı qrupların Hələbin şərqindәki dinç sakinlәrin təxliyə edilmәsinә mane olduğunu deyən Kurtulmuş bunun Suriya daxilində bir məzhəb qarşıdurmasının başlanğıcı ola bilәcәyi ilә әlaqәdar xəbərdarlıq edib.
Numan Kurtulmuş: ‘‘Tәәssüf ki, Hələbdə insanlıq ölür. Hələbdə ölən təkcə Hələbli qardaşlarımız deyil bütün bəşəriyyət orada ölür’’ deyib.
‘‘Olan Suriya xalqına oldu. Azı 600 min günahsız dinç sakin həyatını itirdi. O gözəl şəhərlər yox oldu. Suriyada insanlıq ölür. Beynəlxalq ictimaiyyәtә müraciət etmək istəyirəm. Suriyada bu müharibə davam etdiyi müddətcə dünya, nə qlobal miqrasiya, nə də qlobal terror təhdidindən xilas ola bilmәyәcәk’’ deyә baş nazirin müavini Numan Kurtulmuş qeyd edib.